Батырым – Мәлік беренім

Батырым – Мәлік беренім

         Қараша айының он алтысы біздің «Атамекен» үйірмеміздің мүшелері үйірме жетекшісі Қайырболды Серғазымен бірге қаламыздағы Мәлік Ғабдуллин музейіне шағын саяхат жасадық. Ағаштан ойып салынған бұл мұражай сырт келбетінің өзі тамашалаған адамның қиялында өткен ғасырдағы  қаламыздың бейнесін салады, ал

ішінегі тарихи мұралар уақыт машинасы сияқты өзіңді өткен күндерге алып кетеді.

         Музей қызметкерлері бізді жылы шыраймен қарсы алып, музейдің ғылыми қызметкері Балауса Сейтен мұражай мұрағатына экскурсия жасады.

         Мұражай бірнеше көрме залынан тұрады екен. Оның бірінші залында Кеңес Одағының  батыры, әдебиетші ғалым Мәлік Ғабдуллиннің кеуде мүсіні мен шежіре ағашы орнатылған. Шежіре ағашында жауынгер Мәлік

Ғабдуллиннің атақты Абылай ханның кеңесшісі Қанай бидің тікелей ұрпағы екені көрсетілген.

         Келесі көрме залында Мәлік Ғабдуллиннің отбасына тиесілі заттар орнаасқан, солардың ішіндегі ең қызықтысы– орта ғасырлық шығыс поэзиясының теориясын сөз ететін құнды кітап «Мухаммедия» болып табылады.

         Одан кейінгі көрме залында батырдың ғылымдағы алғашқы қадамдарын сөз ететін құнды заттар: Мәлік

Ғабдуллиннің студент кезінде алған дипломдары, «Қобыланды батыр жыры» тақырыбындағы ғылыми диссертациясы бар.

         Келесі көрме залында Мәлік Ғабдуллиннің жауынгерлік бейнесін ашатын заттар: ордендері мен медальдары, аты аңызға айналған панфиловшылар дивизиясының соғыс кезінде түскен суреттері, батырдың соғыста пайдаланған жеке заттары орналасқан. Бұл зал бізге қатты ұнады, біз одан өзімізге көптеген қызықты мәліметтер алып, шабыттанған күйде шықтық.

         Соңғы көрме залы әбден көңілден шықты. Музей қызметшілерінің айтуынша, Бұл зал Мәлік Ғабдуллиннің жеке кабинетінің көшірмесі болып табылады, ондағы әр зат, кітаптар мен жұмыс үстелі, қаламсаптар мен баспа машинкасы, журнал үстелі мен шахмат тақтасы және тағы басқа бұйымдар  батырдың жеке жұмыс кабинетінен алынған көрінеді.

          Қаламыздағы Мәлік Ғабдуллин музейі біздің үйірмеміздің мүшелеріне қатты ұнады. Мен өзімнің барлық

достарыма, курстастарым мен группалас жолдастарыма бос уақытында осы музейге баруға кеңес беремін.