Латын әліпбиіне көшу – заман талабы

«Латын әліпбиіне көшу – заман талабы»     

    Бүгін «Бурабай» колледжінің оқу залында латын әліпбиіне көшу тақырыбында М. Жұмабаев атындағы

АОӘҒК-ның «Көпшілік іс-шаралар және қоғаммен байланыс» бөлімінің шығармашылық тобымен бірлесе отырып «Латын әліпбиіне көшу – заман талабы» атты кезекті танымдық- интеллектуалдық іс-шара өткізілді. Қазақстан Республикасының Елбасы Нұрсұлтан Әбішұлы Назарбаевтың қазақ тілі әліпбиін кириллицадан латын графикасына көшіру туралы Жарлығына байланысты бекітілген латын әліпбиінің соңғы нұсқасы студенттерге кеңінен насихатталды. Іс-шара барысында  студенттер бірқатар сұрақтар қойып, өз пікірлерін ортаға салды, жаңа әліппемен танысып, өз есімдерін латын әліпбиінде жазып үйренді. Ең алдымен іс-шара барысында бұл өзгерістерге деген жастардың көзқарасы  айқындалып, олардың ойынша латын әліпбиіне көшу көп қиындық туғызбай, керісінше жаңа мүмкіндіктерге жол

ашатындығы анықталды.

                Сондай-ақ, Елбасының «Болашаққа бағдар: Рухани жаңғыру» атты бағдарламалық мақаласынан  латын әліпбиіне көшудің маңыздылығын және  нақты бағыт-бағдарын көрсететін ой-пікірлер

ортаға тасталып, жанжақты талқыланды. Іс-шара аяғында кітапхана қорындағы латын әліпбиіне байланысты мерзімдік басылымдардарға, газет-журналда жарық көрген мақалаларға шолу ұйымдастырылды.