Жастар саясаты бойынша семинар

Бүгін "Бурабай" колледжінің студенттері Ақмола облысы бойынша ҚР Мемлекеттік қызмет істері агенттігі мен Ақмола облысының ЖРО ұйымдастырған жастар саясаты бойынша семинарға қатысты.

Іс-шара барысында ҚР МҚА облыстық департаментінің басшысы Думан Әбілев жастарды мемлекеттік қызмет саласындағы қолданыстағы заңнаманың өзгерістерімен таныстырды, Мемлекеттік қызметке конкурстық және конкурстан тыс іріктеу тәртібі, сондай-ақ мемлекеттік қызметке қол жеткізуді жеңілдету үшін уақытша іріктеу ережелері және басқа да өзекті мәселелер туралы баяндады.

Іс-шараға Ақмола облысы әкімінің персоналды басқару қызметінің өкілі Ләззат Есенгелдина да қатысты.
Өз сөзінде ол жастармен пікір алмасып, Мемлекеттік қызметтің құпияларымен бөлісті.

Семинар қорытындысы бойынша студенттер көптеген қажетті және пайдалы ақпарат алды, іс-шараны ұйымдастырушыларға алғысымызды білдіреміз.