📌2022 жылы қыркүйек айының 21-жұлдызында «Бурабай» колледжінде «Оқуға құштар колледж» тұжырымдамасын іске асыру жөніндегі 2022-2025 жылдарға арналған іс-шараларды өткізу жоспары аясында «Кітапхана – өрлеу мекені» атты ашық есік күні өтті. 📘📕
Ашық есік күнінің ашылуын «Бурабай» колледжінің директоры Әубәкірова Ж. С. ашып, студент қауымын ҚР Білім және ғылым бірінші вице-министрі бекіткен «Оқуға құштар колледж» тұжырымдамасымен таныстырды. Іс-шара барысында колледж кітапханашысы Өмірзақова А.З. студенттерге кітапханаға қысқа топ-саяхат жасап, кітапхана қоры туралы ақпарат берді. Сонымен қатар жаңа әдебиеттермен таныстырды. «Мамандығың-болашағың» - кәсіби әдебиеттерге шолу ұсынылды.
Ашық есік күні «Ұлттың ұлы ұстазы» атты Ахмет Байтұрсынұлының 150 жылдығына орай ұйымдастырылған үлкен тағылымды ақпараттық сағатпен жалғасты. Ахмет Байтұрсынұлының өмірі мен шығармашылығы туралы іс-шараға арнайы шақырылған қонақтар, Ақмола облыстық әмбебап ғылыми кітапханасының библиографтары толық ақпарат берді. Ұлт ұстазының ғылыми мұраларымен таныстырып, шығармаларынан үзінділер оқыды.🌼
Іс-шарада студенттер Ахмет Байтұрсынұлы туралы айтып, өлеңдерін оқып белсенділік танытты.