Қазақстан Республикасының Мемлекеттік рәміздер күні

«Бурабай» колледжінде Қазақстан Республикасының Мемлекеттік рәміздер күніне арналған ашық тарих сабағы өтті.

Сабақ барысында студенттер Қазақстан Республикасының Мемлекеттік Туы, Елтаңбасы және Әнұранының шығу тарихымен танысып, олардың маңызы мен патриотизмді, ұлттық бірлікті және азаматтық жауапкершілікті нығайтудағы рөлі туралы мәлімет алды.

Сабақты тарих пәнінің оқытушысы Бейсембаев Бейбіт Қапсанұлы өткізді. Ол білім алушыларға мемлекеттік рәміздерді құрметтеудің еліміздің тәуелсіздігі мен егемендігінің ажырамас бөлігі екендігін түсіндіріп, олардың мәні мен маңызы туралы кеңінен әңгімеледі.

Осындай іс-шаралар жастардың бойында Отанға деген мақтаныш сезімін, ел тарихына және мәдени мұрасына деген құрметті қалыптастыруға ықпал етеді.