БІЛІМ ӘЛЕМІНЕ САЯХАТ

 «Бурабай» колледжінің 1-курс студенттері үшін Мағжан Жұмабаев атындағы Ақмола облыстық әмбебап ғылыми кітапханасына танымдық экскурсия ұйымдастырылды.

Экскурсия барысында студенттер кітапхананың жұмысымен, оның бөлімдерімен және оқу залдарымен танысты. Сондай-ақ заманауи ақпараттық ресурстар мен кітапхана келушілеріне ұсынылатын мүмкіндіктер туралы жан-жақты мәлімет алды.

Бұл экскурсия студенттердің дүниетанымын кеңейтіп, облыстағы ірі мәдени-білім беру орталықтарының бірімен жақынырақ танысуға және оқу мен өзін-өзі дамытуға қажетті жаңа білім көздерін ашуға тамаша мүмкіндік болды.

Қызықты әрі танымдық экскурсия ұйымдастырған кітапхана қызметкерлеріне алғысымызды білдіреміз!