Дуальды оқыту — кәсіби жетістікке апарар жол!

«Бурабай» колледжінің «Теміржол көлігінде тасымалдауды ұйымдастыру және қозғалысты басқару» мамандығының студенттері дуальды оқыту жүйесі аясында әлеуметтік серіктес — «ҚТЖ – Жүк тасымалы» АҚ базасында өндірістік сабақтардан өтуде.

Оқытудың мұндай форматы теориялық дайындықты өндірістегі практикалық тәжірибемен ұштастыруға мүмкіндік береді. Бұл студенттерге болашақ мамандықтарының ерекшеліктерін тереңірек түсінуге көмектеседі.

Сабақ барысында студенттер тасымалдау процесін ұйымдастырумен, пойыз қозғалысын басқарумен, станциялар мен диспетчерлік қызметтердің жұмысымен танысып, теміржол саласындағы заманауи технологияларды меңгереді.

Дуальды оқыту кәсіби дағдыларды қалыптастырып, жауапкершілікті арттыруға және оқуын аяқтағаннан кейін бірден жұмысқа дайын, сұранысқа ие мамандарды даярлауға ықпал етеді.

«Бурабай» колледжі әлеуметтік серіктесіне ынтымақтастық, қолдау және болашақ мамандарды даярлауға қосқан үлесі үшін алғыс білдіреді 💙