«Бурабай» колледжінде старостар жиналысы өтті

«Бурабай» колледжінде старостар жиналысы өтіп, онда маңызды әрі өзекті тақырып — «Таза сессия» талқыланды.

Кездесу барысында академиялық адалдық мәселелеріне, емтихан сессиясы кезеңіндегі студенттердің жауапкершілігіне, сондай-ақ көшіру және басқа да құқық бұзушылықтардың алдын алуға ерекше назар аударылды. Старостарға топтастарына ақпарат жеткізудегі және білім алуға деген адал көзқарасты қалыптастырудағы олардың рөлі түсіндірілді.

Осындай кездесулер студенттердің құқықтық мәдениетін арттыруға, тәртіпті нығайтуға және колледжде ашық әрі әділ білім беру ортасын қалыптастыруға ықпал етеді.

✨ Таза сессия — адал білім мен табысты болашақтың кепілі!