«Бурабай» колледжінде «Закладчики. Расплата. Закладчики. Мать…» деректі фильмінің көрсетілімі өтті

«Бурабай» колледжінде студенттерге «Закладчики. Расплата. Закладчики. Мать…» атты деректі фильм көрсетілді. Фильм есірткінің таралуы және жастардың заңсыз әрекеттерге тартылуы сияқты өзекті әлеуметтік мәселеге арналған.

Туындыда жеке жауапкершілік, құқыққа қайшы әрекеттердің салдары және отбасылар бастан кешетін ауыр қайғы мәселелері көтеріледі. Картинада өз баласының таңдауының қайғылы салдарымен бетпе-бет келген ананың тағдырына ерекше назар аударылған.

Көрсетілімнен кейін талқылау ұйымдастырылып, студенттер өз пікірлерін белсенді түрде білдіріп, әсерлерімен бөлісті. Сонымен қатар «жоқ» деп айта білу, өмірді бағалау және саналы таңдау жасау қаншалықты маңызды екені жөнінде ой қозғады.

Мұндай іс-шаралар құқықтық сауаттылықты қалыптастыруға, құқықбұзушылықтардың алдын алуға және салауатты өмір салты құндылықтарын нығайтуға бағытталған.