Конституциялық реформа: Жаңа Қазақстанның іргетасы

«Бурабай» колледжінде студенттерге арналған конституциялық өзгерістер тақырыбында түсіндіру дәрісі өтті. Іс-шара Қазақстан Республикасы жаңа Конституциясы жобасын түсіндіруге арналды.

Дәрісті тарих пәнінің оқытушысы Бейсембаев Б.К. жүргізді. Кездесу барысында жобаның негізгі ережелері, реформалардың басты бағыттары және олардың мемлекеттің одан әрі дамуы, заңдылық, әділеттілік және азаматтық жауапкершілік қағидаттарын нығайтудағы маңызы қарастырылды.

Студенттер талқылауға белсенді қатысып, өздерін қызықтырған сұрақтарын қойып, елдің қоғамдық-саяси дамуына қатысты өз пікірлерін білдірді.

Мұндай кездесулер жастардың құқықтық мәдениетін қалыптастыруға және конституциялық құндылықтар туралы хабардарлық деңгейін арттыруға ықпал етеді.