Семинар-диалог

«Бурабай» колледжінде «Білім беру құқықтық қатынастарында Конституция нормаларын қолдану тәжірибесі» тақырыбында пікірлерді таныстыру форматында семинар-диалог өтті.

Іс-шара Қазақстан Республикасы жаңа Конституциясы жобасын талқылау аясында ұйымдастырылды. Кездесу барысында білім беру саласында конституциялық нормаларды іске асырудың өзекті мәселелері және олардың білім беру ұйымдары қызметінде практикалық қолданылу ерекшеліктері қарастырылды.

Семинарға колледж әкімшілігінің өкілдері, педагогикалық және техникалық қызметкерлер, сондай-ақ бітіруші топ студенттері қатысты. Қатысушылар практикалық кейстерді талқылап, кәсіби пікірлерімен және тәжірибелерімен алмасты, білім беру қатынастарын құқықтық реттеудің негізі ретінде конституциялық нормалардың маңыздылығын атап өтті.

Іс-шараны тарих пәнінің оқытушысы Бейсембаев Б.К. жүргізіп, конструктивті пікірталас ұйымдастырып, тақырыптың мазмұнды талқылануын қамтамасыз етті.

Ашық диалог форматы құқықтық мәдениетті нығайтуға және белсенді азаматтық ұстанымды дамытуға ықпал етті.