«Заң және тәртіп» жобасы аясындағы есірткіге қарсы форум

Ақмола облысында «Заң және тәртіп» жобасын нығайту мақсатында «Бурабай» колледжінің студенттерінің қатысуымен есірткіге қарсы форум өтті.

Іс-шараның басты мақсаты — есірткіге байланысты құқықбұзушылықтардың алдын алу, құқықтық мәдениетті қалыптастыру және жастардың жеке әрі қоғамдық қауіпсіздік мәселелеріне саналы көзқарасын арттыру.

Іс-шараны есірткі қылмысына қарсы іс-қимыл басқармасы білім басқармасымен және есірткі құқықбұзушылықтарының алдын алу жөніндегі кеңес мүшелерімен бірлесіп ұйымдастырды.

Мұндай кездесулер жастармен ашық диалог орнатуға, құқықтық сауаттылық деңгейін арттыруға және салауатты әрі заңға бағынатын өмір салтының құндылықтарын нығайтуға ықпал етеді.