СТОП БУЛЛИНГ

‼️ «Бурабай» колледжінде Ақмола облысы бойынша Қылмыстық-атқару жүйесі департаменті өкілдерінің қатысуымен буллингтің алдын алу және қауіпсіз білім беру ортасын қалыптастыру мәселелеріне арналған профилактикалық дәріс өтті.

Іс-шара спикерлері:
— Мотовилова Валерия Дмитриевна, әділет аға лейтенанты;
— Мукишев Алмас Канатович, әділет аға лейтенанты.

Кездесу барысында студенттерге буллинг ұғымы, оның негізгі түрлері, мүмкін болатын құқықтық салдары түсіндіріліп, бір-біріне құрметпен қараудың және өз әрекеттері үшін жауапкершіліктің маңыздылығы атап өтілді. Сонымен қатар психологиялық қауіпсіздік мәселелеріне және өз құқықтарын қорғау тәсілдеріне ерекше назар аударылды.

Мұндай кездесулер студенттердің құқықтық мәдениетін қалыптастыруға, сондай-ақ «Бурабай» колледжіндегі студенттік ортада қолайлы әрі қауіпсіз психологиялық ахуалды нығайтуға ықпал етеді.