«НАЗАР АУДАРЫҢЫЗ! ҚЫСҚЫ КАНИКУЛ!» ҚЫСҚЫ КАНИКУЛ КЕЗІНДЕГІ ҚАУІПСІЗ МІНЕЗ-ҚҰЛЫҚ ЖӨНІНДЕГІ ЖАДНАМА

❗ «НАЗАР АУДАРЫҢЫЗ! ҚЫСҚЫ КАНИКУЛ!»
📌 ҚЫСҚЫ КАНИКУЛ КЕЗІНДЕГІ ҚАУІПСІЗ МІНЕЗ-ҚҰЛЫҚ ЖӨНІНДЕГІ ЖАДНАМА

Қысқы каникул жақындап қалды! Каникул кезеңінде әрбір студент қауіпсіз мінез-құлық ережелерін сақтауға, өзінің өмірі мен денсаулығын қорғауға міндетті.

Маңызды!
Каникул кезеңінде 18 жасқа толмаған студенттердің өмірі, денсаулығы және мінез-құлқы үшін жауапкершілікті ата-аналар (заңды өкілдер) көтереді.

1. Қыс мезгілінде жол қозғалысы ережелерін сақтаңыз.

Жолда аса мұқият болыңыз, себебі қыс мезгілінде жол-көлік оқиғаларының қаупі артады. Қараңғы уақытта киіміңізге жарық қайтарғыш элементтер тағыңыз. Жолды тек жаяу жүргіншілер өткелі арқылы және бағдаршамның рұқсат беретін сигналына өтіңіз. Құлаққап тағып жүру өмірге қауіпті.

2. Серуендеу кезіндегі қауіпсіздік ережелерін сақтаңыз.

Қыс мезгілінде өзендер мен су айдындарының мұзына шығуға тыйым салынады. Шаңғы және конькимен сырғанағанда абай болыңыз, тек арнайы жабдықталған орындарды пайдаланыңыз. Қатты аяз кезінде үсіп қалмау үшін ұзақ серуендеуден бас тартқан жөн. Тайғақтан, сондай-ақ ғимараттардың шатырларынан түсетін қар мен мұздан сақ болыңыз.

3. Жаңа жылдық іс-шаралар кезіндегі қауіпсіздік ережелерін сақтаңыз.

Ересектердің рұқсатынсыз және бақылауынсыз пиротехникалық бұйымдарды (петардалар, фейерверктер, хлопушкалар, бенгаль оттары және т.б.) қолдануға тыйым салынады.

4. Электр құралдары мен тұрмыстық құрылғыларды пайдалану ережелерін сақтаңыз.

Ақауы бар электр құралдарын қолданбаңыз. Газ жабдықтарын, тұрмыстық химия заттарын және дәрі-дәрмектерді пайдаланғанда сақ болыңыз.

5. Кәмелетке толмағандардың қоғамдық орындарда болуына қатысты Қазақстан Республикасының заңнамасын сақтаңыз.

18 жасқа толмаған тұлғалар ересектердің еріп жүруінсіз көшеде 22:00-ге дейін ғана бола алады.
22:00-ден 06:00-ге дейін — тек ата-анасының немесе заңды өкілдерінің бірге жүруімен ғана рұқсат етіледі.

6. Жеке қауіпсіздік ережелерін сақтаңыз.

Қоғамдық орындарда өзін мәдениетті әрі сақ ұстаңыз. Күмәнді заттарға қол тигізбеңіз және бейтаныс адамдармен байланысқа түспеңіз.

7. Теміржол көлігін пайдалану кезіндегі қауіпсіздік ережелерін сақтаңыз.

Теміржол жолдарынан өткен кезде аса мұқият болыңыз, жақындап келе жатқан пойыздың жоқ екеніне көз жеткізіңіз.

❗ Контакт желісі 3300 вольт кернеуде болады.
Сымдарға және электр жабдықтарының элементтеріне қол тигізу өлімге әкелуі мүмкін.

❗ Қатаң тыйым салынады:

теміржол жылжымалы құрамының астынан өтуге;

вагондар арасындағы автотіркеу құрылғыларынан асып өтуге;

қозғалыстағы пойыздың жанында платформа бойымен жүгіруге;

теміржол жолдарында және олардың маңында ойнауға;

пойыз қозғалысы кезінде мінуге немесе түсуге;

вагондарға жабысып, баспалдақтарда жүруге.

❗ Қазақстан Республикасының жедел қызмет телефондары:
📞 112 — бірыңғай құтқару қызметі
📞 101 — өрт сөндіру қызметі
📞 102 — полиция
📞 103 — жедел медициналық жәрдем

✨ Өзіңізді сақтаңыз, қауіпсіздік ережелерін сақтаңыз және қысқы каникулды ешбір оқиғасыз өткізіңіз!