Тәжірибе

Менің атым Райма Балтабекова, мен «Теміржол көлігінде тасымалдауды ұйымдастыру және қозғалысты басқару» мамандығы бойынша арнайы пәндердің оқытушысымын. Біздің «Бурабай» колледжінің әлеуметтік серіктестерінің қолдауының арқасында биыл мен 4 курс студенттерінің өндірістік-технологиялық тәжрибесі кезінде «Көкшетау-2» станциясының «Жолаушылар тасымалы» ҰК АҚ базасында өндірісте тағылым  алдым. Өндірісте тағылым алған кезде барлық санитарлық нормалар орындалды.
Өдірісте болу мақсаты:
- Оқыту процесінде алған теориялық білімді бекіту және оқытудың тәжрибелік дағдыларын меңгеру.
Осы мақсатқа жету үшін «Жолаушылар тасымалы» ҰК АҚ қызметі аясын және теміржол қозғалысын басқару жүйесінің ерекшеліктерін зерттеу сияқты міндеттер қойылды.
Тәжірибе кезінде тікелей жұмыс істеу қажеттілігін ескере отырып, өндірістік қауіпсіздік талаптарының орындалуын қамтамасыз етуге байланысты жүйелі оқыту жүргізілді. Жұмыс тиімділігі мен сапасын, еңбек өнімділігін арттыруға, пойыздар қозғалысының қауіпсіздігін қамтамасыз етуге, еңбекті қорғау талаптарын сақтауға, жылжымалы құрам мен теміржол тораптары объектілерінің сенімділігін арттыруға бағытталған теміржол көлігі туралы тәжрибелік білім алынды.
Бұл тағылымдама маған осы мамандық пен мамандықты толығырақ игеруге, теміржол көлігі саласындағы біліктілігімді арттыруға мүмкіндік берді.
Жұмыс жүйесінде үнемі жаңалықтар болуы мүмкін болғандықтан, оқытушыларға арналған тәжрибеде бұл түрін ұйымдастыру бұрын алған теориялық білімдерін кеңейтуге және тереңдетіп оқуға, іс жүзіндегі дағдыларын жетілдіруге орасан зор мүмкіндік береді деп ойлаймын.