Студенттердің колледжге келуі

«Бурабай» колледж мекемесінің 1 курс студенттеріне 2020-2021 оқу жылының екінші семестрі аралас білім беру үрдісінің алғашқы оқу күндері сәтті өтті.
Колледжде коронавирустық инфекцияның таралуына жол бермеуге байланысты білім беру процесін тиімді ұйымдастыру үшін барлық жағдайлар жасалған. Аудиториялардағы сабақтар маска режимін ескере отырып, қашықтықты сақтай отырып, аудиторияны 15 адамнан артық толтырмай жүргізіледі. Студенттерге, оқытушыларға, басқа қызметкерлерге, ата-аналарға санитарлық-гигиеналық талаптарды сақтау туралы нұсқаулық өткізілді. Медицина қызметкері күн сайын білім алушылардың, оқытушылардың, қызметкерлердің температурасын өлшеп,  аудиторияларды және кабинеттерді желдету мен кварцтау жүргізіледі.
Құрметті студенттер сіздерге санитарлық қауіпсіздіктің қатаң шараларын, әлеуметтік қашықтық пен бетперде режимін сақтау туралы тағы да еске саламыз!
Баршаңызға  денсаулық, оқуда сәттілік тілейміз!